குடைமிளகாய் ஃபிரை &வாழைக்காய் ஃப்ரை & பாகற்காய் ஃபிரிட்டர்ஸ்
குடைமிளகாய் ஃபிரை
தேவையானவை:
குடைமிளகாய், தக்காளி - தலா 1. வெங்காயம் - 2, மிளகு சீரகத்தூள், தனியாத்தூள் - தலா 1 டீஸ்பூன், நறுக்கிய வெங்காயத்தாள் - 2 டேபிள்ஸ்பூன், உப்பு, எண்ணெய் – தேவையான அளவு.
வாணலியில் சிறிதளவு எண்ணெய் விட்டு காய்ந்ததும், சதுரமாக நறுக்கிய குடைமிளகாயை போட்டு வதக்கி, நறுக்கிய வெங்காயம், வெங்காயத்தாள், தக்காளி, உப்பு சேர்த்து வதக்கவும். பின்னர் மிளகு, சீரகத்தூள், தனியாத்தூள் சேர்த்து நன்றாக வதக்கி இறக்கவும்.
வாழைக்காய் ஃப்ரை
தேவையானவை:
வாழைக்காய் - 2, பிரெட் துண்டுகள் - 3, துருவிய காலிஃபிளவர் - அரை கப்,கரம்மசாலாத்தூள், மாங்காய்த்தூள், இட்லி மிளகாய்த்தூள் - தலா 1 டீஸ்பூன், நெய் - சிறிதளவு. உப்பு - தேவையான அளவு.
வாழைக்காய் தோல் சீவி வேகவைத்து மசித்துக் கொள்ளவும். பிரெட் துண்டுகளை நீரில் நனைத்து, நீரை பிழிந்து, அதை வாழைக்காயோடு சேர்க்கவும். பின்னர் நெய் தவிர மற்ற பொருட்களை சேர்த்து, பிசைந்து விருப்பமான வடிவில் தட்டி, சூடான நெய்யில் பொரித்து எடுக்கவும்.
பாகற்காய் ஃபிரிட்டர்ஸ்
தேவையானவை:
பெரிய சைஸ் பாகற்காய் - 2, சோள மாவு, மிளகாய்த்தூள் - தலா 1 டீஸ்பூன், இஞ்சி, பூண்டு, சோம்பு விழுது - 1 டீஸ்பூன், ஃபுட் கலர் (ஆரஞ்சு நிறம்) - சிறிதளவு, உப்பு. எண்ணெய் - தேவையான அளவு.
செய்முறை:
பாகற்காயை வட்ட வட்டமாக நறுக்கி, எண்ணெய் தவிர மற்ற பொருட்கள் அனைத்தையும் சேர்த்து பிசறி, 10 நிமிடம் வைக்கவும். பின்னர் சூடான எண்ணெயில் உதிர்த்து போட்டு, சிவக்க பொரித்து எடுக்கவும்.
கருத்துகள்